أيامنا الحلوة

جلست معها يوما، وسألتها متعجبا: - هو انتى عمرك ما اتخانقتي مع عمي يا طنط؟ - إمممم هو فيه ست تتخانق مع جوزها! قالتها بعفوية مستنكرةً، وكأنني أسألها عن منكرٍ وكأنه كفرٌ أن تعارك زوجها! - طب إزاي مستحملة كل الغضب ده؟ وكل العصبية دي! ردت علي رداً مذهلاً! - وأنا مالي! أيوه وأنا مالي بعصبيته! أنا باكل كويس، وبنام كويس، صحتي كويسه، مش مقصرة في بيتي، خلاص أزعل ليه؟ عصبيته على نفسه، مسكين جاله الضغط والسكر والقلب، ربنا يشفيه فكرت بكلماتها، إنها النفس البشرية بكل ما لديها من وسائل الدفاع، بَنَتْ حول نفسها سوراً عاشت بداخله سعادتها بالمتاح لديها، ببيت نظيف، طعام جيد، لبس أنيق والأهم سي عبده والست.... إبتسمت وأنا أراها تجلس على كنبتها بالبلكونة وأسمعها تدندن مع الكاسيت بصوتها الرخيم: قالوا لي هان الود عليه ..... ونسيك وفات قلبك وحداني رديت وقلت بتشمتوا ليه!... هو افتكرني عشان ينساني!